O director do Igape, Javier Aguilera, mantivo un encontro en San Cibrao cos xerentes destas empresas ourensás que están a colaborar en dous proxectos de internacionalización do plan Primex da Consellería de Economía e Industria. Este programa está a amparar a cooperación de máis de 350 compañías galegas para implantarse comercialmente nun total de 25 mercados exteriores.

Javier Aguilera salienta que se facilita a confluencia dos recursos públicos e privados para garantir a posta en marcha e a consolidación de novos proxectos empresariais. O director do Igape entregou o premio Emprendedor XXI, financiado por La Caixa en colaboración con Enisa, e que este ano correspondeu á empresa coruñesa Torus, que desenvolve e comercializa un novo protocolo de comunicacións para Internet. En Galicia participaron no certame unha vintena de proxectos que destacan polo seu potencial de crecemento, quedando como finalistas Bialactis e Monet.

O director xeral de Industria, Manuel Valle, e o director do Igape, Javier Aguilera, presentan as liñas de apoio do Goberno e da Xunta no marco do Plan Ferrol. Valle destaca que se simplifican e flexibilizan os requisitos de solicitude para facilitar tanto o acceso aos préstamos como a realización dos investimentos, que poderán estar iniciados antes da presentación da solicitude. A porcentaxe de investimento apoiable increméntase do 60 ata o 75%. Aguilera salienta que as empresas de Ferrolterra manteñen un marco de apoio privilexiado para o desenvolvemento dos seus proxectos, e destaca iniciativas como o programa “Galicia 1000” da Xunta.

 O director xeral do Igape, Javier Aguilera, a cónsul xeral de Uruguai en Galicia, Marta Echarte, e representantes de axencia de desenvolvemento Uruguay XXI participan nun encontro con 25 empresas galegas con interese nese mercado. O Igape e Uruguay XXI manteñen un acordo de colaboración para promover investimentos cruzados, alianzas e relacións comerciaisMáis de 300 empresas galegas teñen relacións comerciais con Uruguai, sumando unhas exportacións de 30 millóns de euros o ano pasado, un 53% máis que en 2012.

Galicia é unha das dúas comunidades autónomas presente neste encontro internacional, que conta coa participación da Comisión Europea e dos clusters máis avanzados de Austria, Dinamarca, Alemaña, Noruega, Polonia ou Suecia. O director do Igape, Javier Aguilera, resalta a decidida aposta do Goberno galego polos clusters como pancas de competitividade e internacionalización da economía galega. O Goberno galego está a impulsar a mellora na xestión dos clusters, entre os que xa hai nove con etiquetas europeas de excelencia.