Durante a súa visita ás instalacións da compañía no polígono de Costa Vella, en Santiago, Aguilera recoñeceu os esforzos desta firma, especializada en servizos integrais en proxectos de enerxías renovables, por reforzar a súa estrutura financeira, contando coa colaboración da Xunta, para seguir medrando e xerando emprego.

Aguilera lembrou tamén que o Igape acaba de activar un novo programa, publicado o pasado venres no DOG, para apoiar o financiamento de investimentos das pemes, especialmente os de carácter industrial e os vinculados as actuacións innovadoras promovidas no marco da Axenda da Competitividade Galicia-Industria 4.0 e da Estratexia de Especialización Intelixente (RIS3).

Con 150 traballadores en Galicia, Wind1000 Services ten desenvolvido proxectos para a industria eólica en 17 países de Europa, 10 de América, 7 de África, 6 de Asia e 1 de Oceanía. A compañía aspira a seguir medrando a creando emprego durante os próximos anos, tanto a nivel galego como no ámbito internacional.