Para favorecer a competitividade de Ibercisa en ámbitos tanto produtivos como loxísticos, a compañía acolleuse ao programa ReAcciona do Igape para optimizar o uso das súas instalacións e os seus procesos. Estes proxectos de mellora desenvolvidos incidiron  especialmente na ordenación dos postos de traballo e na loxística interna da fábrica, habilitando un novo almacén de compoñentes.

Aguilera salientou a importancia de colaborar coas pemes galegas para, ademais de achegar diagnósticos de competitividade, desenvolver servizos que faciliten a execución de proxectos de mellora en ámbitos como a optimización do financiamento, o desenvolvemento estratéxico integral, a redefinición do modelo de negocio, a optimización de procesos de produción e cadea loxística, o relanzamento comercial, os protocolos de sucesión na empresa familiar ou a identificación de aliados e redes de cooperación.