ÚLTIMOS DÍAS: CONVOCATORIA ABERTA PARA SOLICITAR OS SERVIZOS AVANZADOS DO PROGRAMA REACCIONA
As empresas interesadas en acollerse á oferta de diagnósticos integrais e servizos avanzados para facilitar a mellora da competitividade das pemes galegas convocada pola Vicepresidencia segunda e Consellería de Economía, Empresa e Innovación, a través do Igape e no marco do programa Reacciona, poden solicitalos ata o vindeiro 28 de decembro.
Contando con cofinanciamento do Fondo Europeo de Desenvolvemento Rexional (FEDER), o programa ReAcciona do Igape ten como obxectivo prioritario incrementar as competencias dos xestores das empresas para que as melloras introducidas na xestión poidan ter carácter permanente.
Integrada no programa Igape Responde -iniciativa dirixida a ofrecer asesoramento inmediato a autónomos e pemes para reactivar a súa actividade no actual contexto económico provocado pola covid-19-, as novas convocatorias do ReAcciona achegarán orientación e apoio individualizado sobre as medidas de implantación que se deben adoptar a nivel xeral, na reorganización estratéxica e operativa dos negocios, así como no que se refire a proxectos de dixitalización e innovación para manter e impulsar a actividade produtiva.
Máis información
900 815 151 informa@igape.es
|
|
|
|
