ABERTO O PRAZO DE PRESENTACIÓN DE OFERTAS PARA A XESTIÓN DOS SERVIZOS AVANZADOS DO PROGRAMA REACCIONA
As empresas interesadas en prestar os servizos de desenvolvemento estratéxico, profesionalización, innovación e adopción de solucións de dixitalización, que o Igape e a Axencia para a Modernización Tecnolóxica de Galicia (Amtega) porán a disposición das pemes galegas a través do programa ReAcciona, poden presentar as súas ofertas ata o próximo 31 de maio. Nesa data péchase a recepción de proposicións do procedemento aberto de contratación de servizos que se vén de abrir.
O programa ReAcciona, cofinanciado polo Fondo Europeo de Desenvolvemento Rexional dentro do programa Operativo Feder Galicia 2014-2020, ten como obxectivo prioritario incrementar as competencias dos xestores das empresas para que as melloras introducidas na xestión poidan ter carácter permanente.
Esta iniciativa pon a disposición das pemes un amplo abano de servizos que facilitan a implantación de proxectos de mellora en ámbitos como a optimización do financiamento, o relanzamento comercial, a estratexia ou os procesos de produción, na procura dun impacto positivo global nas compañías.
Información sobre o procedemento de contratación
Máis información sobre o programa ReAcciona
|
|
|
|
