100 BOLSAS FORMATIVAS PARA A REALIZACIÓN DE PROXECTOS DE MELLORA NAS PEMES GALEGAS. NOVOS TITULADOS. SOLICITUDES ATA O 29 DE SETEMBRO
O Diario Oficial de Galicia vén de publicar a ampliación, ata o próximo 29 de setembro, do prazo de solicitudes para a convocatoria do programa de bolsas formativas para a realización de proxectos de mellora nas pemes galegas, no ámbito do programa Reacciona.
O obxecto da convocatoria aberta é a concesión de 100 bolsas para a realización de prácticas formativas incardinadas en programas de mellora nas pemes galegas, coa finalidade de formar a titulados universitarios en diversas áreas relacionadas coa profesionalización e desenvolvemento estratéxico da empresa.
A convocatoria está aberta a universitarios galegos que obtivesen a súa titulación en 2011 ou anos posteriores. O prazo para a presentación de solicitudes rematará o próximo 29 de setembro.
Os titulados incorporaranse en primeiro lugar a un itinerario formativo especificamente deseñado para a participación no programa, e a continuación realizarán prácticas formativas baixo a tutela de axentes colaboradores do Igape en proxectos de mellora de pequenas e medianas empresas, apoio ao emprendedor ou proxectos colaborativos de asociacións ou clusters empresariais, período no que recibirán formación e titorización directamente por parte do axente colaborador.
Resolución DOG
Ficha resumo
|
|
|
|
