PROGRAMA PRIMEIRA EXPORTACIÓN. XORNADAS TÉCNICAS NA CORUÑA, FERROL, LUGO, OURENSE, VIGO E SANTIAGO
Facilitar ás empresas interesadas en ampliar o seu negocio a mercados exteriores as claves para desenvolver negociacións interculturais efectivas é o obxectivo das xornadas técnicas que se desenvolverán do 10 ao 12 do próximo mes de maio en diferentes cidades galegas, no marco do programa Primeira Exportación, impulsado pola Fundación Gas Natural en colaboración co Igape.
O día 10 de maio as xornadas desenvolveranse na Coruña, a partir das 11 horas, e en Ferrol, a partir das 15:30. O 11 de maio, o encontro técnico para empresas con vocación internacional trasladarase a Lugo, ás 9:30 horas, e a Ourense, ás 15:30. Finalmente, o día 12 de maio a xornada técnica desenvolverase en Vigo, ás 9:30, e en Santiago de Compostela, ás 15:30 horas.
Máis información e inscricións: www.fundaciongasnaturalfenosa.org/actividades/
|
|
|
|
