Innovar non sempre pasa por desenvolver novas patentes tecnolóxicas. Innovar no deseño de moda non é o mesmo que innovar no modelo de negocio e, no entanto, si que é certo que ambas as prácticas pertencen ao terreo da redefinición estratéxica das empresas para manterse con vida no mercado. Se é seica certo que fomentar a innovación pode axudar a unha sociedade a progresar, antes é necesario entender correctamente que é innovar, como se innova e cales son exactamente os trazos que debemos fomentar para avanzar cara a unha estrutura socioeconómica máis innovadora.
Este libro aspira a resolver algunhas das citadas confusións ofrecendo unha visión estruturada, consecuente, razoada e principalmente práctica de en que consiste a innovación e como se leva a cabo. Todo iso cunha linguaxe directa e accesible que foxe dos formalismos académicos e do discurso críptico apto unicamente para iniciados.
O autor
Antonio Flores é experto na creación de novos modelos de negocio. É relator e articulista habitual sobre estratexia, competitividade e innovación de produtos e servizos. Liderou proxectos para empresas como Hewlett Packard, Imaginarium, Inditex, Indra, Caja Madrid, BBVA e Bosch Siemens, entre outras.
En 2009 recibiu o Premio ao Directivo Plus na categoría de peme. Ademais, participou como coautor en varias obras sobre innovación. Na actualidade, é o fundador e conselleiro delegado de Loop Business Innovation, compañía referente en Europa de novos modelos de negocio.
