XesGalicia é a sociedade xestora de entidades de capital risco.

A través dela, as empresas poden encontrar financiamento para os seus proxectos mediante participacións no seu capital social ou a través de préstamos participativos que poden converterse en capital. O único requisito á hora de presentar unha solicitude, é que sexan empresas non financeiras cuxos valores non coticen no primeiro mercado da Bolsa de Valores.

Servicios

• Na fase de captación de investimentos, XesGalicia pode intervir para facilitar:
  • A busca de socios potenciais. Información sobre chan industrial.
  • Información sobre axudas institucionais para cada proxecto.
  • Acordos de cooperación entre empresas.
  • Operacións con outros fondos ou SCR
• Nas empresas participadas, XesGalicia intervén tanto como asesora do proxecto como axente nos órganos de administración.

XesGalicia xestiona os seguintes fondos deseñados para emprendedores e empresas galegas:

• Dirixido a empresas con alto potencial de crecemento e desenvolvemento: SODIGA
• Dirixido a empresas constituídas e viables, que precisen apoio para salvar ou evitar unha dificultade temporal. Adiante 2000 FCR
• Dirixido a impulsar proxectos empresariais innovadores, iniciativas emprendedoras ou relacionadas coa tecnoloxía. Galicia Compite FICC
• Dirixido a fomentar o espírito emprendedor. Galicia Iniciativas Emprendedoras, FICC
• Dirixido a impulsar proxectos empresariais de marcado carácter innovador e cunha probada capacidade de xestión. Galicia Innova Tech, FICC