Pola súa novidade, a intensidade en I+D, a presión por ser pioneiras ou o curto ciclo de vida dos seus produtos, a xestión das start-ups afástase do patrón empresarial convencional, cuxas receitas estandarizadas non son válidas nin aplicables.
Comprender a idiosincrasia das start-ups, despexar incógnitas sobre elementos críticos da súa xestión e organización, así como apuntar camiños e estratexias conducentes a un mellor desempeño empresarial, son obxectivos que este libro aspira a cubrir dende unha perspectiva totalmente práctica e orientada á acción. Así, o lector atopará unha guía útil con propostas, recomendacións, advertencias e implicacións, encamiñadas a facilitar a adecuada xestión e impulsar o crecemento do formato empresarial máis innovador.
O autor
Isidre March Jordà é profesor no Departamento de Dirección de Empresas da Universitat de Valencia e actualmente dirixe o Máster oficial en Creación e Xestión de Empresas Innovadoras e de Base Tecnolóxica. Publicou máis de corenta artigos e o libro divulgativo sobre emprendedores Innovadores o vencidos (2010).
A súa especialización como analista da categoría empresarial obxecto deste libro, as start-ups e os seus fundadores, foise forxando ao longo de vinte anos de carreira co impulso de proveitosas estancias como investigador convidado en prestixiosas universidades como UC Berkeley en California, Université de Montréal, Babson College de Boston ou a University of Sussex do Reino Unido.
