O último estudo de Goldman Sachs, The store of the future, defende que o porvir das tendas, tal e como as coñecemos hoxe, non periga porque un 85% das vendas globais seguen rexistrándose dentro delas. Tampouco parece que esta tendencia vaia a cambiar. Segundo asegura, esta cifra manterase estable e situarase nun 70% durante o próximos cinco anos. O certo é que o sector se atopa explorando cunha tecnoloxía cada vez máis sofisticada para responder as necesidades dun cliente novo, altamente preparado dentro do mundo dixital. Da mesma forma que a tecnoloxía facilita ás tendas electrónicas coñecer as preferencias dos seus clientes en detalle, as tendas do futuro buscan a forma de optimizar e rexistrar os movementos dos compradores nos puntos de venda físicos cunha precisión similar. Para conseguilo necesitan recoller un gran volume de datos e adaptar os puntos de venda integrando sensores, beacons, tecnoloxía wifi, cartelería dixital, analíticas de audio e vídeo, mobiliario intelixente, cámaras con software de recoñecemento facial e solucións de intelixencia artificial.

Enlace orixinal: Tendas ‘big data’, os comercios do mañá