Incentivar a adquisición de ciclomotores e motocicletas, manter o emprego no sector das dúas rodas e estimular a substitución de vehículos de dúas rodas antigos por outros menos contaminantes.
Subvencións
- Persoas Físicas
- Profesionais autónomos dados de alta no Imposto de Actividades Económicas
- Pequenas e medianas empresas (PEMES) definidas de acordo co establecido no mencionado anexo I do Regulamento (CE) n.º 800/2008 da Comisión e que cumpran os seguintes requisitos:
Que empreguen a menos de 250 persoas.
Que o seu importe neto da cifra anual de negocios non exceda de 50 millóns de euros, ou o total das partidas do activo non exceda de 43 millóns de euros.
Todos
As axudas aplicaranse para a adquisición dun ciclomotor ou motocicleta novos, que se axusten ás definicións establecidas no artigo anterior e que se matriculen en España.
Para poder obter a axuda, será requisito necesario que o beneficiario dea de baixa definitiva, mediante certificado de tratamento ambiental por parte do centro autorizado, un ciclomotor ou motocicleta matriculado en España de acordo cos seguintes criterios:
Ciclomotor de máis de cinco anos ao adquirir un ciclomotor novo.
Motocicleta de máis de cinco anos ao adquirir unha motocicleta nova de cilindrada igual ou inferior a 250 c.c.
Motocicleta de máis de sete anos ao adquirir unha motocicleta nova de máis de 250 c.c.
Así mesmo será requisito necesario que o prezo de adquisición do vehículo de dúas rodas novo non supere os 9.500 euros, IVE incluído, imposto de matriculación excluído e antes de aplicar ningunha das axudas contempladas no artigo 3 deste real decreto.
Non será subvencionable a adquisición de motocicletas de máis de 74 kW (100 CV) que teñan unha relación potencia/peso igual ou superior a 0,66.
As axudas para a adquisición dun vehículo previstas no presente real decreto outorgaranse por unha soa vez sen que caiba duplicidade en caso de sucesivas transmisións do mesmo vehículo.
Establécense tres tramos para determinar a contía individual da axuda, dependendo do vehículo a adquirir:
- Ciclomotores: 75 euros condicionados á achega dunha axuda de 150 euros polo fabricante ou importador do vehículo de dúas rodas adquirido.
- Motocicletas de até 250 c.c. inclusive: 175 euros condicionados á achega dunha axuda de 350 euros polo fabricante ou importador do vehículo de dúas rodas adquirido.
- Motocicletas de máis de 250 c.c.: 250 euros condicionados á achega dunha axuda de 500 euros polo fabricante ou importador do vehículo de dúas rodas adquirido.
Ata o 30/06/2010, ou ata o esgotamento dos recursos orzamentarios
Real Decreto 1081/2009, de 3 de xullo (BOE Nº164 do 08/07/2009) - Plan Moto-E
Ministerio de Industria, Turismo e Comercio