fomentar o desenvolvemento das industrias culturais na nosa comunidade autónoma, e de contribuír ao cumprimento das tarefas que a Lei do audiovisual atribúe ao sector na normalización da lingua galega.
Axudas a fondo perdido en réxime de concorrencia competitiva.
As persoas físicas ou xurídicas, constituídas como produtoras audiovisuais independentes, domiciliadas ao menos por un ano, previo a esta convocatoria na Comunidade Autónoma de Galicia ou nun estado membro da UE ou que forme parte do acordo que establece a Área Económica Europea e que teñan, no momento do pagamento da axuda, sede efectiva da súa actividade, sucursal ou oficina permanente na Comunidade Autónoma de Galicia.
Sector audiovisual
Dentro destas axudas pódense concorrer as seguintes categorías:
1. Longametraxes de ficción:
-Modalidade A: longametraxe cinematográfica.
-Modalidade B: óperas prima.
-Modalidade C: telefilmes.
2. Longametraxes documentais:
-Modalidade A: documentais de creación
-Modalidade B: documentais de difusión cultural
3. Longametraxes en soporte dixital
Só poderán presentarse dous proxectos por produtora segundo a modalidade e tres en toda a convocatoria.
Os proxectos deberán superar os 60 puntos desagregados en contribución cultural 35 puntos, contribución creativa 10, emprego de recursos Galegos 7,5 e viabilidade do proxecto 7,5.
Considérase investimento subvencionable imputable ao proxecto o denominado custo de realización ou custo de negativo, que estará integrado pola suma dos gastos necesarios para a produción, ata a obtención da primeira copia estándar, excluídos impostos, gardando proporcionalidade coa cota total de coprodución dos coprodutores galegos.
Nestas categorías o investimento subvencionable son os seguintes:
1. Longametraxes de ficción:
-Longametraxe cinematográfica: ata o 30% cun máximo de 300.000 euros cegando a 400.000 en animación
-Operas prima: ata o 40% cun máximo de 300.000 euros
-Telefilmes: ata o 30 % cun máximo de 150.000 euros.
2. Longametraxes documentais:
-Documentais de creación: ata o 50%, cun máximo de 60.000 euros.
-Documentais de difusión cultural: ata o 50% cun máximo de 50.000 euros
3. Longametraxes en soporte dixital: ata o 60 % cun máximo de 100.000 euros
O prazo de presentación de solicitudes será dun mes contado a partir do día seguinte ao de publicación desta orde no Diario Oficial de Galicia.
O importe das subvencións concedidas non poderá ser de tal contía que, illadamente ou en concorrencia coas concedidas a través doutras administracións públicas, supere o 50% do investimento subvencionable ou as porcentaxes máximas de financiamento segundo o tipo de proxectos establecidas nas bases reguladoras.
Orde do 6 de agosto de 2008 (DOG Nº158 do 18/08/2008) - Bases e convocatoria 2008
Información adicional na Dirección Xeral de Creación e Difusión Cultural da Consellería de Cultura e Deporte, a través dos seguintes medios:
a) Páxina web oficial da consellería (www.culturaedeporte.xunta.es/), na súa epígrafe de axudas e trámites.
b) Teléfono: 881 97 59 49.
c) Páxina web: www.axenciaaudiovisualgallega.org
d) Presencialmente
O prazo de xustificación para as subvencións de carácter anual rematará o 30 de novembro de 2008.