A consellería que dirixe Javier Guerra destinou preto de 50 millóns de euros ao eixo estratéxico da internacionalización, nesta lexislatura. A aposta da Xunta de Galicia ten un reflexo directo na evolución favorable das exportacións da Comunidade Autónoma, que medraron un 24% nos cinco primeiros meses do ano, catro puntos por riba da media do Estado. O saldo positivo da balanza comercial galega foi de case 1.728 millóns de euros, o maior de todas as comunidades.

conselleiro de Economía e Industria, Javier Guerra, destaca o labor do Instituto, como "o maior apoio aos emprendedores nas súas estratexias de crecemento". "As pequenas e medianas empresas son e seguirán sendo unha prioridade para a Xunta", asegura. En total case 700 pemes en crecemento, microempresas e emprendedores recibiron neste lexislatura o apoio do Re-ImaXina, un programa pioneiro en Galicia que permitiu estimular investimentos por valor de 20 millóns de euros.

O convenio formalizado entre o Instituto Galego de Promoción Económica e a Autoridade Portuaria facilitará tamén a promoción das comarcas de Ferrol, Eume e Ortegal como territorio idóneo para acoller investimentos estranxeiros. Durante este ano haberá unha vintena de accións promocionais en lugares como China, Corea, Xapón, México, Miami, Casablanca, Hamburgo, Amsterdam ou Sao Paulo entre outros. O Igape achegará o 50% do financiamento das actividades previstas neste marco de colaboración.

O conselleiro de Economía e Industria, Javier Guerra, recibiu aos presidentes da CEG, do Consello Galego de Cámaras e aos representantes sindicais na Mesa do Diálogo Social. Salientou que o Instituto que preside e agora dirixe está a funcionar con total normalidade para procurar facilitar servizos e apoios aos empresarios e aos emprendedores que os soliciten. Guerra amosouse convencido de que contará coa colaboración das forzas sociais para impulsar a "un tecido produtivo que precisa do Igape para que as empresas poidan manter a súa actividade, realizar investimentos, mellorar a súa competitividade ou avanzar na súa internacionalización".

A póliza contratada polo Igape con Cesce servirá para asegurar inicialmente exportacións por importe de 500.000 euros, cubrindo operacións tipo comprendidas entre 6.000 e 25.000 euros. Segundo explicou o director do Igape, Joaquín Varela, o obxectivo é "dinamizar e asegurar as primeiras exportacións das pequenas empresas galegas, procurando que non teñan que asumir riscos nin custos previos de pólizas propias gravosas". Avanzar na internacionalización das empresas galegas e, como consecuencia, incrementar as exportacións de Galicia, "é fundamental para consolidar a recuperación da nosa economía", salientou.