XORNADA: TURISMO, REINVENTAR UN SECTOR ESTRATÉXICO E CLAVE PARA A RECUPERACIÓN
No marco do proxecto Capacita Directivos, a Xunta -a través do Igape-, o Círculo de Empresarios de Galicia e a Asociación para o Progreso da Dirección (APD) organizan a xornada Turismo, reinventar un sector estratéxico e clave para a recuperación, que se desenvolverá o venres 12 de novembro, a partir das 9.30 horas no Parador de Ferrol (Praza do Contralmirante Azarola Gresillón).
O encontro contará coa participación de organizacións e empresas do sector e do cluster de Turismo de Galicia, e teremos ocasión de falar da nova realidade do sector, condicionada por unhas maiores esixencias dos consumidores, máis sensibles a cuestións como a seguridade, as aglomeracións ou a procura de contornas especiais.
O Xacobeo como motor para a recuperación económica de Galicia, ou os retos que plantexan os fondos europeos serán outras das cuestións das que se falarán no encontro.
Esta xornada forma parte do ciclo dedicado á Empresa intelixente. Competitividade e crecemento empresarial en Galicia, que afonda na situación dalgúns dos sectores estratéxicos galegos.
Inscrición presencial
Inscrición on line
|
|
|
|
