PROGRAMA ACTIVA CIBERSEGURIDADE: ABERTO O PRAZO PARA A PRESENTACIÓN DE SOLICITUDES
A Secretaría Xeral de Industria e da Peme, dependente do Ministerio de Industria, Comercio e Turismo, vén de activar o Programa Piloto de Innovación en Ciberseguridade da Peme co obxectivo de que pequenas e medianas empresas poidan medir o seu nivel actual de protección da información dixital e establecer o grao que deben conseguir para protexer os sistemas e a información corporativos.
O prazo de presentación de solicitudes para participar nesta iniciativa gratuíta permanecerá aberto ata o vindeiro 30 de novembro.
O programa, que forma parte da Estratexia de Industria Conectada 4.0, consta de catro actuacións complementarias: recollida de información da empresa e o seu sector e análise da situación actual en materia de ciberseguridade para detectar as necesidades e posibilidades de mellora; análise de cumprimento e auditoría de ciberseguridade; implantación dun plan de ciberseguridade na empresa; e seguimento das medidas implantadas e valoración doutras iniciativas.
Máis información e inscricións
|
|
|
|
