O director do Igape, Fernando Guldrís, reuniuse esta mañá con empresas do eido da alimentación nun dos encontros dixitais que está a manter con diferentes clústeres para achegar as claves da proposta galega para optar a estes recursos. Salienta a colaboración público-privada como garantía para a optimización fondos europeos comunitarios e a captación de novos proxectos tractores. Pon en valor a aposta da candidatura galega pola transformación dixital, a transición enerxética e a cohesión social e territorial de Galicia.

O director do Igape, Fernando Guldrís, participou esta mañá nun encontro dixital de traballo coa Asociación de Mulleres Empresarias de Galicia co obxectivo de dar a coñecer os apoios activados polo Goberno galego. Destaca a capacidade de resistencia e de adaptación das empresas da Comunidade no actual contexto –especialmente das pemes– e os fondos Next Generation como motores de crecemento económico e social.

O director do Igape, Fernando Guldrís, visitou na Coruña a compañía Docuten, onde salientou a súa contribución á transformación dixital do tecido produtivo. A empresa, que ofrece solucións avanzadas para a xestión corporativa, conta co apoio das axudas ao financiamento de proxectos innovadores e o Galicia Exporta Dixital, cuxo prazo de solicitude remata o 30 de xuño.

As axudas achegadas a través da última convocatoria resolta do Galicia Exporta Empresas ascenden a case 6M€. O Goberno galego adaptou o programa ás necesidades provocadas pola pandemia da covid-19 para facilitar a reactivación do tecido empresarial e a mellora da competitividade no actual contexto económico. Permanecen abertos os prazos de solicitude das axudas das novas convocatorias do Galicia Exporta Dixital, o Foexga, o Cheque Brexit e o programa de apoio á contratación de expertos en comercio exterior.

O director do Igape, Fernando Guldrís, participou hoxe no obradoiro Dixitalización Industria 4.0: os sectores da saúde e o benestar, organizado pola Asociación de Empresas de Tecnoloxía de Galicia (Ineo). Salienta a aposta do Goberno galego na candidatura aos fondos europeos Next Generation polas tecnoloxías emerxentes, a innovación e a Industria 4.0 nestes ámbitos produtivos. Subliña o apoio á dixitalización das pemes galegas a través dos diferentes programas de axudas, que achegaron 23M€ en 2020 a case 3700 proxectos que mobilizarán preto de 36M€.